АҞӘА, абҵара 19 - Spuntik. Урыстәылатәи аруаа украинатәи авиатехниказы Кировоградтәи аобласт аҳаирбаӷәаза Канатово аҿы ирызгылаз абылтәыҵәахырҭақәа ԥырххааит. Абри атәы аанацҳауеит Урыстәыла атәылахьчара аминистрра.
Иара убас Кировогради Ольшаници иахьрыҵаркуа УАМ аџьаԥҳанышьҭаҵарҭақәа ԥыржәеит.
Урыстәыла аҳауаҽацәыхьчаратә мчқәа уахыки-ҽнаки рыла икарыжьит аицҭырҟьаратә реактивтә снариадқәа HIMARS-и "Ольхеи", иҭадырхеит аԥырҩы дызҭам аҳаирпланқәа 31.
Аусбарҭа адыррақәа рыла, Купиансктәи ахырхарҭаҿы Киев уахыки-ҽнаки рыла иацәҭахеит 70-ҩык рҟынӡа асолдаҭцәа, ҩ-автомобилк, Краснолимантәи ахырхарҭаҿы - 30-ҩык аибашьцәеи, акәылӡымашьынеи, ҩ-автомобилки.
Донецктәи ахырхарҭаҿы уахыки-ҽнаки рыла урыстәылатәи архәҭақәа аӷа ижәыларақәа фба ирҿагылеит, иҭадырхеит 240 рҟынӡа украинатәи аруаа, танкк, ашьаҟауаа реибашьыга машьына, ҩ-автомобоилк, агаубица "МСТА-Б".
Алада-Донецктәи ахырхарҭаҿы УАМ ирыцәҭахеит 145-ҩык аруаа, ҩ-автомобилк, акәылӡымашьынақәа хԥа, ахаланыҟәа артиллериатә шьақәгыла "Krab", Запорожтәи ахырхарҭаҿы - шәҩык рҟынӡа аибашьцәа, акәылӡымашьынақәа хԥа, 11 автомобилк, агаубица Д-30, Херсонтәи ахырхарҭаҿы - 20-ҩык рҟынӡа асолдаҭцәа, ҩ-автомобилк, агаубица "МСТА-Б", ахаланыҟәа артиллериатә шьақәгыла "Гвоздика".