АҞӘА, абҵара 20 – Sputnik. Еицырдыруа ахаккеиасыҩцәеи аҵаақәшьқьрааҩцәеи хәыдаԥсада ашықәс ҿыци қьырсаныҳәеи рзы аҟазара-классқәа мҩаԥыргоит ГУМ-Каток аҭааҩцәа рзы, иазырхиахоит итрадициатәу аӡынтәи афатә-ажәтәи аҳамҭақәеи рыдгалара ҳәа рҳәеит аиҿкааҩцәа Sputnik аинтервиу аҭо.
Москва ашҭа хадаҿы аҵаақәшьқьраарҭа аадыртуеит абҵара 29 рзы. Уи 18-нтәуп имҩаԥыргоижьҭеи.
"Аҳҭнықалақь агәаҿы итрадициатәу аӡынтәи аныҳәа мҩаԥгахоит. Аҭааҩцәа ирыдгалахоит аҵаа, аныҳәатә ҭагылазаашьа, аиллуминациа, акаҳуажәырҭаҿы зегь раасҭа ихаау ачамчамытақәа", – аҳәоит адырраҭараҿы.
ГУМ-Каток аус аулоит есыҽны, асааҭ 09:00 инаркны 23:30 рҟынӡа. Сеанск – сааҭк ицоит. Ашьыжьтәи асеансқәа ԥшьба хәыдаԥсадахоит.
"Адуцәа рзы абилеҭ 700 мааҭ иаԥсоуп, ахәыҷқәа рзы ( 7 - 12 шықәса) – 300 мааҭ. Аԥсшьарамшқәеи аныҳәамшқәеи рзы: 800; 400 мааҭ. 7 шықәса зхымҵыц ахәыҷқәа рзы абилеҭ хәыдаԥсадоуп, убри аан ахәыҷы ицу абилеҭ ааихәуазар. Атәанчаҩцәа рзы асеанс 300 мааҭ иаԥсоуп, аԥсшьарамшқәеи аныҳәамшқәеи рзы – 400 мааҭ. Аҵаашьаҵақәа қьырала иргара алшоит", - ҳәа аҳәоит адырраҭараҿы.
ГУМ-Каток асасцәа сынтәа урыстәылатәи аспорт азҟазацәа аҟазаратә-классқәа рзымҩаԥыргоит. Ес-сабша ахәыҷтәы хоккеитә школ "Красная машина" азыҟаҵаҩцәа рнапхгарала ахоккеи асра уҵар улшоит, ма уҟазара иацуҵар ауеит. Мҽышала аҵаақәшьқьраара бзиа избо рзы Анастасиа Гребенкина лнапхгарала имҩаԥгахалоит аҟазаратә-классқәа.
Асезон апрограммаҿ иҟоуп Аолимпиатә чемпионка Алина Загитова лҟазаратә-классқәа жәаҩа (ԥхынҷкәын 10-жәабран 25).
Аиҿкааҩцәа иазгәарҭоит аҟазара-классқәа шхәыдаԥсадоу аха аҽҭаҩра шаҭаху ГУМ-Каток асаит аҟны.
Sputnik – ГУМ-Каток аинформациатә дгылара анаҭоит.