АҞӘА, абҵара 22 - Sputnik. Аԥсны инхо Урыстәыла аицџьынџьуаа Ростов-на-Дону имҩаԥысуа V Жәларбжьаратәи апатриоттә форум иалахәхеит.
Аԥснынтәи афорум ахь ицеит Урыстәыла атәылауаа рзинхьчаразы Ацентр аиҳабы Елена Жилинскаиа, ауаажәларратә еиҿкаара "Гулрыпш. Россодружество" ахада Валентина Пицевич, акультуратә фонд "Платформа" анагӡаратә директор Дмитри Статеинов, Аԥсуаҭҵааратә институт аусзуҩ, аиҿкаара "Абхазпоиск" аиҳабы Николаи Медвенски.
Дара афорум аҿы ақәгыларақәеи аӡыргарақәеи ҟарҵараны иҟоуп. Иара убасгьы ауснагӡатә аплан аҿы иҟоуп астол гьежьқәа апатриоттә ааӡаразы, акультуразы, аҵараҵареи, ауаажәларратә дипломатиеи, аҿартә политикеи рзы.
Афорум "Миротворчество поколений в исторической памяти российского государства" 2019 шықәса раахыс есышықәса имҩаԥыргоит. Сынтәа иара иалахәуп 32 тәыла рҟынтәи 1300-ҩыуаак.