Абҵарамза 14-24 рзы Аԥсны Ацәыргақәҵатә зал хадаҿы аԥсуа сахьаҭыхыҩ Борис Ашәба ицәыргақәҵа "Амра ашәахәақәа" аартуп. Урыстәыла аус зуа аԥсуа сахьаҭыхҩы изы ари раԥхьатәи ихатәы цәыргақәҵахеит. Арадио Sputnik аефир аҿы иара еиҭеиҳәеит аекспозициа шеидикылоз, ихәыҷрашықәсқәа ахаара рыҵазҵаз, насгьы аҟазарахь ишьаҿақәа зеиԥшраз.
Борис Ашәба – Аҟәатәи асахьаҭыхратә школ даушьҭымҭоуп. Аԥснытәи аҳәынҭқарратә университет аекономикатә факультет далгеит 1989 шықәсазы. Аекономикатә ҭҵаарадыррақәа дыркандидатуп. Иусумҭақәа ҵәахуп ахатәы коллекциақәа рҿы Аԥсны, Урыстәыла, Испаниа, Ҭырқәтәыла.
Инеиҵыху аиҿцәажәара шәазыӡырҩыр шәылшоит аудиофаил аҿы.