АҞӘА, абҵара 22 - Sputnik. Гагра араион Гьечрыԥшь ақыҭа анхаҩы Герман Лакәыиа даанырклыеит ихысуа абџьар изакәанымкәа аахәареи, аҵәахреи, амҩангареи рзы гәҩарас дҟаҵаны, абри атәы аанацҳауеит Аԥсны АҩАР апресс-маҵзура.
Ихысратәы аус еиҭазыдулоу "Макаров" итапанча азинхьчаҩцәа ирбеит иаанкылаз 28 шықәса зхыҵуа Лакәыиа зыԥсҟы икыз автомашьына анапықәҵарҭа аҩнуҵҟа.
Аекспертиза алҵшәақәа рыла, апистолет еибагоит, ахысразы ихиоуп. Ашьаус хацыркуп. Герман Лакәыиа атәыла дшалымҵуа азы инапы ақьаад иаҵадырҩит.