АҞӘА, абҵара 23 – Sputnik. Урыстәылатәи аҳәаахьчаҩцәа иаԥдырҟәҟәааит 19 тонна аполимертә хаҳәҷҷа закәаншьаҭада Аԥсныҟа аиагара ҳәа аанацҳауеит Краснодартәи аҳазалхырҭа Шәачатәи апресс-маҵзура.
Амашьына иацыз адокументқәа инарықәыршәаны иақәыз 180 сакь аџьықәреи акәын, аха аҳазалхыҩцәа имҩаԥыргаз агәаҭара ашьҭахь иаарԥшын 650 сакь аполимертә хаҳәҷҷа. Уи адокументқәа рҿы иарбаӡамызт. Аидара аџьармыкьатә хәԥса миллионк инеиҳаны иҟоуп.
"Аидара мҩанызгоз ишиҳәаз ала аалыҵ ааихәеит Краснодар ашьҭаҵарҭаҿы, Аԥсныҟа дҭацәны дымцарц азы. Аха убри аан иааигоз аидара ашәҟәқәа рҿы арбара ихашҭит", - ҳәа аҳәоит адырраҿы.
Административтә зинеилагаразы (аҳазатә шәҟәҭагалара иаҵанакуаз атауар азы адырра ахьыҟаҵамыз) ашьаус хацыркуп.