Абҵарамза 23, 1996 шықәса аҭоурых ианылеит зхы иақәиҭу аҳәынҭқарраҟны Апарламент астатус ҿыц аманы ахы аныҵнахыз амш ҳәа. Усҟан Аԥсны имҩаԥысит аибашьра ашьҭахь Жәлар реизарахь раԥхьатәи алхрақәа. Алхратә комиссиа хада хантәаҩра азызуаз Виачеслав Цыгәба арадио Sputnik аефир аҿы еиҭеиҳәеит, иахьатәи алхрақәеи дареи еиԥшымзаарас ирымоу атәы.
Усҟантәи алхарақәа раан иҟаз аԥҟарақәа ртәы игәаларшәауа Цыгәба иҳәеит атепутатс иалархыз ауалафахәы ахьиоуа аус аура азин шимамыз аҭҵаарадырреи аҵарадырреи знапы алакыз рыда, убри аҟынтә уахь инеиуазгьы шмаҷҩыз.
"Уажәы еицлабны хәҩык- жәаҩык ахьықәгылоу ыҟоуп. Апарламент аусура иаҳа-иаҳа еиӷьхозароуп, инеиуа рԥышәагьы иаҳа иӷәӷәазароуп. Аха аус аҿы иаабо, зны-зынла ажәлар иалырхуа дананымаало ыҟоуп", - ҳәа азгәеиҭеит Цыгәба.
Аицәажәара инеиҵыхны ишәаҳар шәылшоит аудиофаил аҟны хыхь.