АҞӘА, абҵара 26 - Sputnik. Аԥсны Аҭагылазаашьа ҷыдақәа рзы аминистрра аусзуҩцәа ҳтәылауаа ҩыџьа рыԥсыбаҩқәа ааргоит. Абри атәы аанацҳауеит аусбарҭа апресс-маҵзура.
"Аԥсны АҶА аусзуҩцәа, аминистр, аинрал-леитенант Лев Кәыҵниа раԥхьа днаргыланы, Донбассҟа амҩа иқәлеит Донбасс ахы ақәиҭтәразы аоперациа ҷыда иалахәыз, зыхгьы ақәызҵаз ҩыџьа ҳтәылауаа рыԥсыбаҩқәа ааргарц", - ҳәа ануп адырраҭараҿы.
Урыстәыла Украина арратә операциа ҷыда иалагеит жәабран 24, 2022 шықәса рзы. Уи хатәгәаԥхарала иалахәуп ԥыхьатәи асовет ҳәынҭқарра иалаз атәылақәа рхаҭарнакцәа, Аԥснынтәиқәагьы уахь иналаҵаны.