АҞӘА, абҵара 26 - Sputnik. Израиль асектор Газа аҟны аибашьра иацнаҵоит аамҭалатәи аинышәара аамҭа шынҵәаз ашәа ҳәа иҳәеит Израиль Атәылахьчара Аштаб хада аиҳабы Герци Халеви.
Аинышәара амчра аиуит абҵара 24 инаркны. Аиқәшаҳаҭра аԥҟарақәа инарықәыршәан, аинышәара аамҭа иалагӡаны ҩ-хәҭак рыла израильтәи атҟәацәа шәҩык рҟынӡа рхы иақәиҭыртәыр алшоит 300-ҩык палестинатәи абаандаҩцәа реиҭныԥсахрала.
"Ҳара иаҳуалуп атҟәацәа зегь рырхынҳәра... аинышәара анаҩс иаарласны Газа ажәылара ҳазыхынҳәуеит", - ҳәа иҳәеит иара.
Халеви иазгәеиҭеит ЦАХАЛ иалшо зегь шыҟанаҵо "ХАМАС ақәгареи" аамҭакьаҿк ала атҟәацәа рырхынҳәреи рзы.
Аҵыхәтәантәи адыррақәа рыла, асектор Газа иҭахаз рхыԥхьаӡара 14,8 нызқьҩык рҟынӡа инеихьеит, урҭ рҟынтәи 6 нызқьҩык хәыҷқәоуп, ахәрақәа змоу рхыԥхьаӡара 36 нызқьҩык иреиҳауп. Израиль иҭахахьеит 1,2 нызқьҩык, еиуеиԥшым ахәрақәеи аахақәеи роуит 5 нызқьҩык. Иҭахаз рҟынтәи 20-ҩык урыстәылауаауп. ХАМАС 200-250–ҩык ауаа тҟәаны ирымоуп ҳәа ишьоуп.