АҞӘА, абҵара 27 - Sputnik. Ҟәбина 50 рҟынӡа адәыӷбақәа аанкылоуп амшцәгьа иахҟьаны, абри атәы аанацҳауеит Урыстәыла Аихамҩақәа рпресс-маҵзура.
Иазгәаҭоуп апассаџьырцәа афатәи аӡи шрырҭо, авагонқәа рҿы ишыԥхарроу.
"Абҵарамза 26 рзы амшцәгьа иахҟьаны (ақәа, аԥша 25 м/c) Адлер - Хәасҭа рыбжьара аихамҩақәа рҿы афымца ыцәеит, аҵлақәа аихамҩа ианаҳалеит Лазаревское – Лоо, Лоо – Дагомыс ахәҭақәа рҿы. Уи адагьы, Лазаревскаиа астанциаҿы аихамҩа аӡы иқәнаӡӡәааит", - ҳәа ануп адырраҭараҿы.
Иаԥҵоуп аоперативтә штаб, амшцәгьа ахҟьаԥҟьақәа раԥыхра иадԥхьалоуп 150-ҩык рҟынӡа ауаа. Урҭ аусура иалагахьеит, аха иуадаҩуп амшцәгьа макьана иахьеиқәымтәац азы
Амшынеисра бааԥс ҟалеит Урыстәыла амшынеиқәаҿтәи аԥшаҳәаҿы абҵара 26-27 руха. Ҟрым аԥшатлакә 144 км/с аццакра аман, быжьҩык аахақәа роуит, урҭ рахьтә ҩыџьа ахәышәтәырҭа иҭашәеит. Евпаториа шәык рҟынӡа ауаа рҭыԥ иахыргеит, лашарада миллионбжаҩык ауаа аанхеит, амобилтә интернет бааԥсны аус ауеит.
Ҟәбина аԥшатлакә иахҟьаны аҳаирбаӷәаза аусура еиԥҟьеит, аӡымҭҟьар леит, аҵлақәеи ашьаҟақәеи каҳаит, хәҩык аахақәа роуит.