АҞӘА, абҵара 28 - Sputnik. Урыстәыла ахада Владимир Путин инапы аҵеиҩит аҳәаанырцәтәи атәылауаҩшәҟәи аҽа документқәаки рзы аҳәынҭбаџь 20% ахә ашьҭыхра алзыршо азакәан.
2024 шықәса ԥхынгәы 1 инаркны абиометриатә ҳәаанырцә-тәылауаҩшәҟәы азы абаџь хәнызқьмааҭ аҟынтәи фнызқьмааҭ иаԥсахоит, 14 шықәса зхымҵыц ахәыҷқәа рзы 2,5 нызқьмааҭ аҟынтәи 3 нызқьмааҭ ахь ихагалахоит.
Аиҭакрақәа ирыҵаркуеит аҳәаанырцәуаа Урыстәыла иахьынхо рҭаҩразы абаџь: 350 мааҭ аҟынтәи 420 мааҭ ахь, урыстәылатәи авизақәа риуразы ма рыҿҳәара ацҵаразы: 1 000 мааҭ аҟынтәи 1200 мааҭ ахь.
Иара убас, 20% иацлоит атәыла алаларазы ааԥхьаратә баџь, анхараз азин, аамҭала анхаразы азин, аҳәаанырцәусуҩцәа рхархәаразы, аҳәаанырцәуаҩ аусураз азин иҭара, Урыстәыла атәылауаҩра аиурази уи мап ацәкрази.