АҞӘА, абҵара 28 - Sputnik. Акурорт "Красная Поляна" аҟны иаадыртуеит ашьхашәҩатә сезон ԥхынҷкәын 1 азы ҳәа аанацҳауеит АТОР.
Ԥхынҷкәын 1 инаркны атуристцәа рхы иадырхәалар ҟалоит ашьхараҿтәи арха Цирк-2 аҟынтәи ашәҩамҩақәа – "аиаҵәақәеи" "аҟаԥшьқәеи". Иазгәаҭоуп, 2300 метра инаркны 2500 метра аҳаракыра аҟынӡа ԥшь-мҩак раартра - "Первый снег", "Цирк-2", "Аибга", "Восточный Цирк-2".
Зынӡа ахархәара рыҭахоит 30 километра амҩақәа, фрираид азы хә-зонак, хә-километрак уахынлатәи ашәҩаныҟәараз, х- сноупаркк, иара убасгьы 13 шьҭыхга (540 метра инаркны 2300 метра рҟынӡа). Ахәқәа арыцхәқәеи аамҭақәеи ирҿырԥшны 3300 мааҭ инаркны 35 000 мааҭ рҟынӡа инаӡоит.