АҞӘА, ԥхынҷкәын 3 – Sputnik. Газа иҭахаз рхыԥхьаӡара 15,5 нызқьҩык рҟынӡа инаӡахьеит, абри азы аҳәамҭа ҟаиҵеит Газа асектор агәабзиарахьчара ахаҭарнак Ашраф аль-Кидра.
" Газа асектор иҭахаз рхыԥхьаӡара 15 523 ҩык рҟынӡа инеихьеит, ахәрақәа змоу рхыԥхьаӡара 41 316 ҩык иреиҳауп", -иҳәеит иара.
Жьҭаара 7, ашьыжь асектор Газа аганахь ала Израиль аракетақәа рыла иажәлеит, уи ашьҭахь ХАМАС аибашьцәа атәыла аҳәаа иаԥну араионқәа ирылалеит, 200-ҩык рҟынӡа ауаа тҟәаны иргеит аоперациа "Потоп Аль-Аксы" мҩаԥго. Уи аҭакс ЦАХАЛ аоперациа "Железные мечи" иалагеит. Израиль аҵыхәтәантәи адыррақәа рыла иҭахеит 1,2 нызқьҩык, еиуеиԥшым ахәрақәеи аахақәеи роуит 5 нызқьҩык.