АҞӘА, ԥхынҷкәын 12 - Sputnik. 2024 шықәсазтәи асезон азы акруизтә лаинер "Князь Владимир" анапхгара рҟынтә азыҳәа ыҟам, абри атәы РИА Новости иазеиҭеиҳәеит Шәачатәи амшынбаӷәаза адиректор хада Иури Владимиров.
"Князь Владимир" раԥхьатәи ареис мҩаԥысит сынтәа, рашәарамзазы, зынӡа жәа-реиск ҟаҵан. Ҭагалан аныҟәарақәа хыркәшахеит. Рашәарамза инаркны цәыббрамзанӡа "Князь Владимир" ала Аԥсны иаҭааит 1700-ҩык аԥсшьаҩцәа.
"Ҽааназы алаинер Astoria Grande акруизтә программа ҳауит. Геленџьики Новороссииски аус рыцааулоит. "Грифон" ацынхәрас аҽа ӷбак ныҟәалоит. 2024 шықәсазтәи асезон азы акруизтә лаинер "Князь Владимир" анапхгара рҟынтә Аҟәаҟа аныҟәаразы азыҳәа ыҟам ", - иҳәеит Владимиров.
"Князь Владимир" – жә-еидаурк рыла ишьақәгылоу ӷбоуп, урыстәылатәи аилахәыра ИАЕ "Черноморские круизы" иатәуп, иныҟәоит абри амаршрут ала: Шәача - Новороссииск - Иалта - Севастополь - Шәача.
Аԥхьатәи аԥышәаратә реис Аҟәаҟа имҩаԥыргеит 2020 шықәсазы. Усҟан алаинер иалаиааит 54 пассаџьыри 96-ҩык аекипажи.