АҞӘА, ԥхынҷкәын 14 - Sputnik. Аԥсны адәныҟатәи аусқәа рминистрраҟны аинформациатә проект ҿыц аусура иалагоит ҳәа аанацҳауеит аусбарҭа Амедиацентр.
"Апроект азхьаԥшра рнаҭоит аколлективтә Мраҭашәара аҿагылара азҭо, зхақәиҭреи зҭоурыхи, змилаҭтә культуреи зхаҭареи зыхьчо ажәларқәеи атәылақәеи", - ҳәа аҳәоит адырраҭараҿы.
Апроект хара имгакәа аусура иалагоит. Актәи аҭыжьымҭазы Инал Арӡынбеи Башар Асади еилацәажәеит. Апроект ҷыда аԥсуа телехәаԥшраҿи Аԥсны иаҩызцәоу атәылақәа ртелехәаԥшрақәа рҿи иддырбалоит.