Адепутатцәа рааԥхьарала аилатәара рхы аладырхәит Аԥсны аҵарадырра аминистр актәи ихаҭыԥуаҩ Ада Кәарҷелиа, Аҟәа ақалақьи араионқәеи рҵарадырра аҟәшақәа рнапхгаҩцәа. Аилатәара иалахәыз арҵаҩцәа акласстә напхгареи атетрадқәа ргәаҭареи, иара убас абжьаратәи ашколқәеи аҵара аҟәша аиҳабацәеи руалафахәы ацҵақәа рышьҭыхра ахымԥадатәреи, абжьаратәи ашкол аҿы апробациа ахысрада алгебреи агеометриеи рзы аԥышәарақәа рыҭира аҵаҵӷәы ахьынӡамоу ирылацәажәеит.
Апарламент "2024 шықәсазы Ареспубликатә биуџьет азы" азакәан апроект аус адулара инамаданы, аилатәара иалахәыз аҵарадырра асистема аԥара азоужьра ахырхарҭақәа ирылацәажәеит. Аилатәараҿы иара убас арҵаҩратә еилазаара агәҭынчымра рызцәырызго егьырҭ апроблемақәа жәпакы ирзааҭгылеит, ахәҭакахьала, аҵарадырра аусхк аҿы аџьаԥса ашәара асистемеи ашколқәа рматериал-техникатә еиқәыршәареи аиҭакрақәа ралагалара ҷыдала ахшыҩзышьҭра арҭеит.
Аицәажәара шәаҳар шәылшоит аудиофаил аҟны хыхь.