АҞӘА, ԥхынҷкәын 19 - Sputnik. Шамиль Басаеви Амир Хаттаби рбандақәа уаанӡатәи рлахәыла Ибрагим Магомедов Даӷьсҭан дааныркылеит ҳәа аанацҳауеит РИА Новости, Урыстәыла АШәМ Ашьаусҭҵааратә еилакы адыррақәа шьаҭас иҟаҵаны.
"Урыстәыла Ашьаусҭҵааратә еилаки ҳареи ҳусеицураан еизаҳкит Даӷьсҭан Ареспублика инхо, 1973 шықәсазы ииз Магомедов Ибрагим ацәгьоурақәа дышрылахәыз, убри аан ашьаустә хара шихимгац", - ҳәа арбоуп аматериал аҿы.
Новосаситли ақыҭаҿы иаанкылоу Магомедов иганахьала агәызҩара ыҟоуп 1999 шықәсазы Даӷьсҭан Новолактәи араион иақәлоз дрылан ҳәа. Егьырҭ ахарахгара иацәыбналаны иҟоу рыԥшаара иацҵоуп.
Басаев ибанда аибашьцәа Чечентәылатәынтә Даӷьсҭан иалалеит 1999 шықәса нанҳәамзазы. Амза анҵәамҭазы аруааи аҩнуҵҟатәи аруааи ирылшеит иааныркылаз аиланхарҭақәа рылцара.
Цәыббрамзазы зықьҩыла аисламистцәа еиҭахгьы рнапахьы иааргеит даӷьсҭантәи ақыҭақәа Ахар, Шушиа, Гамиах, Тухчар, Чапаево, Новолакское. Ари акциа иахҟьеит Аҩбатәи ачечен еибашьра.