АҞӘА, ԥхынҷкәын 19 - Sputnik. Урыстәыла АҶА аоперативтә гәыԥ Газантәи урыстәылаа рахыгара хдыркәшеит ҳәа иҳәеит аселектортә еилацәажәараҟны аусбарҭа аиҳабы Александр Куренков.
"Ҩымзтәи аусура иалҵшәаны зықьҩык инареиҳаны ҳџьынџьуаа Урыстәылаҟа иаагеит. Урҭ ирылоуп 470-ҩык ахәыҷқәа. Дара ара иаҭаху ацхыраара роуит", - ҳәа иҳәеит иара.
Аилацәажәараҿы иҳәан Ил-76 Каирынтә Москваҟа ахы шархаз 73-ҩык ауаа аманы. Урҭ рҟынтәи 45-ҩык хәыҷқәоуп.
"Урыстәылатәи аиқәырхаҩцәа палестина-израильтәи аимак иалыргеит 1 124-ҩык ауааԥсыра. Иҳауз азыҳәақәа зегьы нагӡоуп. Абри инадҳәаланы Урыстәыла ахада аӡбамҭа идикылеит аоперативтә гәыԥ Египет аҵакыра иалгазарц", - иҳәеит Куренков.
Урыстәыла АҶА аоперативтә гәыԥ аус ауан Египет. Уантәи ауп урыстәылаа АҬ "Рафах" ала иахьықәыргоз 2023 шықәса абҵара 3 раахыс. Дара ртәылауаа ара ирԥылон, иахәҭаз амедицинатәии апсихологиатәии цхыраара рырҭон. Убри аан имҩаԥган 15 реис агуманитартә цхыраара (350 тонна).