АҞӘА, ԥхынҷкәын 23 - Sputnik. Анапа амшынеисра иахҟьаны аӡӷӷараҿ игылаз аидараӷба амшын ихылеит, абри атәы аҩуеит РИА Новости Амшыни аӡиас транспорти рфедералтә маҵзура адыррақәа шьаҭас иҟаҵаны.
Аидараӷьа аӡӷарра алгаразы аиқәырхаратә ус иалагеит ԥхынҷкәын 19 рзы. Ацхыраара ҟарҵон авариатә- аиқәырхаратә ӷба "Спасатель Ильин", ахагаӷба "Николай Семенченко" аиқәырхаратә ахагаӷба "Меркурий".
Аӷба "Blue Shark" Тамань абаӷәазаҿы арыц ақәнаҵон Египетҟа ицарц. Амшцәгьа шыҟало азы агәҽанҵара аныҟала, уи аԥырсал аушьҭны иаангылеит, аха 23:00 рзеиԥш аԥшаӷьы ҟалан, ацәқәырԥақәа шьҭыҵын, аӷба шьҭыхны аԥшаҳәахьы иргеит, аӡӷӷара иқәнагалеит.
Аӷба иақәтәан аекипаж иалаз 21-ҩык, урҭ Египет, Шьамтәыла, Индиа ртәылауаа роуп. Анефҭаалыҵ амшын иаламҭәаӡеит.