АҞӘА, ԥхынҷкәын 25 - Sputnik, Бадраҟ Аҩӡба. Аҿари аспорти рзы Аҳәынҭқарратә еилакы 2023 шықәсазы иреиӷьу аспортсменцәа рыхьӡқәа рҳәеит.
Аҳәынҭспортеилакы акомиссиа аӡбарала, ашықәс аспортсмен ҳәа ихьӡ рҳәеит абоксиор Харитон Агрба.
"Даара сгәы иахәеит сусура абас ахә ҳаракны иахьышәшьаз. Сара исҳәо сақәшәом, ари аҩыза аусмҩаԥгатә раԥхьаӡа акәны салахәуп, сыԥсадгьыл Аԥсны, аҩны сыҟоуп. Иҭабуп ҳәа расҳәоит исыдгыларц иааиз зегьы, сколлегацәа, ара иҟоу зегьы ари аҩыза ахьӡ иаԥсоуп", - иҳәеит Агрба.
Ахәаԥшцәа ргәаанагарала, 2023 шықәсазы иреиӷьу спортсменхеит атлантека хьанҭазы ақәԥаҩ Елҟан Гәазаа – абжьыҭира мҩаԥысуан Аспорт азы аҳәынҭеилакы асоциалтә даҟьақәа рҿы ԥхынҷкәын 7-24 рзы.