Ашықәс ҿыц аҽны иҭыҵуа ҳатранспорт ахыԥхьаӡара абжьааԥнытәи еиԥшхоит, уи аус аулоит асааҭ 22:30-нӡа ҳәа адырра ҟаиҵеит Шәлымба.
"Иҳаҩсыз ашықәсқәа раан атранспорт ныҟәон аҵх агәанынӡа, аха аԥышәа иаҳнарбеит, уи аамҭазы ауааԥсыра дара рхатәы машьынақәа рыла ишҭыҵуа. Аҭагылазаашьа хылаԥшра аҳҭалоит, иаҭахханы иаҳбар, иҭаҳгартә еиԥш алшара ҟалоит", - ҳәа иҳәеит иара.
Ажьырныҳәа 1, 2, 3 рзы атранспорт ираӡаны иаурышьҭлоит, избанзар, ақалақь аҿы ауаа рацәахом. Уигьы игәаҳҭахьоу усуп ҳәа азгәеитеит Шәлымба. Иара убас ԥхынҷкәын 31 рзы автобусқәеи атроллеибусқәеи хәыда-ԥсада иныҟәалоит.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.