АҞӘА, ажьырныҳәа 2 - Sputnik. Аҟәа Аҩнуҵҟатәи аусқәа русбарҭа ахатә еилазаара уахи-ҽни азинеиҿкаара иахылԥшуеит аныҳәамшқәа раан.
Аҩнуҵҟатәи аусқәа рминистр имҩаԥигаз аилацәажәараан Аҟәа АҩАР аиҳабы Асҭамыр Хагәышь ишиҳәаз ала, рус нарыгӡоит амилициа аусзуҩцәа 168-ҩык, Аҳәынҭавтоинспекциа автопатрульқәа рекипажқәа жәаба, еилаԥсоу аусбарҭақәа ф-екпижак, ашьаусԥшааратә ҟәша аусзуҩцәа рекпиажқәа хәба.
Ахақәаиҭра ашҭаҿы есыҽны азинеиҿкаара иахылаԥшуеит 68-ҩык аусзуҩцәа иҳәеит Хагәышь.
Роберт Кьиут инаҵшьны иҳәеит еиҳарак ауаа ахьырацәоу аҳҭнықалақь аҿы шакәу, аха Ашықәс ҿыц ауха акгьы ҟамлакәа ҳаилгеит иҳәеит иара.
Аҟәатәи АҩАР иахьаҵанакуа инхоит 60-нызқьҩык ауааԥсыра ҳәа иациҵеит Кьиут.