Абызшәатә политиказы Аԥсны аҳәынҭқарратә усбарҭа хаз игоу усбарҭаны аусура хацнаркит 2023 шықәса лаҵарамзазы. Усҟан иара иазоужьын 5 миллион мааҭк аԥара. Ари аамҭа иалагӡаны инагӡаз аусурақәеи иҭыжьыз арҵагатә материалқәеи ртәы арадио Sputnik аефир аҿы дазааҭгылеит Абызшәатә политиказы Аԥсны аҳәынҭқарратә усбарҭа аиҳабы Гәында Кәыҵниаԥҳа. Лара илҳәеит абызшәазы акурсқәа ақәҿыҭра ахьынӡарымоу, насгьы Жәлар реизарахь инагоу ажәалагалақәа ртәы.
Гәында Кәыҵниаԥҳа арадиостудиаҿы иӡырылгеит аԥсышәала ицәажәо аинтерактивтә планшет, илҳәеит абызшәа аҵаразы ирацәаны афункциақәа шамоу.
2024 шықәсазы аусбарҭа иазоужьуп 11 миллион мааҭ. Уснагӡатәқәас ирымоу атәы шәаҳар шәылшоит аудиофаил аҟны хыхь.