АҞӘА, ажьырныҳәа 11 - Sputnik. Урыстәыла Асоциалтә фонд адырга "Аблокада иҭакыз Ленинград анхаҩи" амедаль "Ленинград ахьчарази" змоу 56 нызқьҩык аветеранцәа 50-50 нызқь мааҭ аԥара рынаҭеит Ленинград ахақәиҭтәра 80 шықәса ахыҵра аҳаҭыр азы. Абри атәы аанацҳауеит афонд асаит.
Иазгәаҭоуп, аӡәык-ҩыџьак рыда, аветеранцәа реиҳараҩӡак Ашықәс ҿыц ҳҭалаанӡа ашәарақәа шроуз.
"Зынӡа, Асоциалтә фонд адыррақәа рыла, аиубилеитә шәарақәа роупит Урыстәыла, Аԥсны, Аахыҵ Уаԥстәыла, Приднестровие, Прибалтика инхо 56 нызқьҩык аветеранцәа", - ҳәа ануп адырраҭараҿы.
Аусбарҭа ишаҳәо ала, ашәарақәа зауз рыбжьара амедаль "Ленинград ахьчаразы" змоу 1,3 нызқьҩык роуп иҟоу. Аветеранцәа реиҳараҩӡак аԥара рзыршәеит ԥхынҷкәын азбжанӡа, иззырымшәац ажьырныҳәа 25-нӡа ирырҭараны иҟоуп.