Арадио Sputnik аҟны Аҿари аспорти рускәа рзы аҳәынҭқарратә еилакы ахантәаҩы ихаҭыԥуаҩ Беслан Карчаа игәалаиршәеит иҳаҩсыз ашықәсазтәи аспорттә хҭыс хадақәеи, сынтәатәи рыгәҭакқәеи ртәы.
Зегь реиҳа ихадоу-аԥсуа спортсменцәа ҳбираҟ иаҵагыланы БРИКС ахәмаррақәа ирылахәхартә еиԥш алшара ахьроуз ауп, иҳәеит иара.
Беслан Карчаа еиҭеиҳәеит, иҳаҩсыз ашықәс азы еиуеиԥшым аспорт хкқәа рҟны зҽалызкааз аспортсменцәа, иазгәеиҭеит еиҵагылоу аҿар рҟынтәи аԥеиԥш бзиа змоу аспортсменцәа шыҟоу.
Аицәажәара инеиҵыхны ишәаҳар шәылшоит аудиофаил аҟны хыхь.