АҞӘА, ажьырныҳәа 15 - Sputnik. Гәдоуҭа араион аҿы иҟалаз амҩатә машәыр аан ааха зауз арныҟәцаҩ ахәшәтәырҭаҿы дышнаргазгьы, иԥсҭазаара далҵит ҳәа адырра ҟаиҵеит Аҳәынҭавтоинспекциа аиҳабы ихаҭыԥуаҩ Асҭамыр Ҭаниа.
Гәдоуҭа араион иахьаҵанакуа ареспубликатә мҩаду аҿы амашәыр ҟалеит ашәахьа, ажьырныҳәа 15 рзы.
Иҟоу адыррала, 28 шықәса зхыҵуаз амашьынарныҟәцаҩ аԥсҟы имч зақәымхакәа, амҩа иаҽԥынгылаз ашьаҟа данҟьеит.