Аӡиас маҷқәа ақәоурақәа раан анхарҭа ҭыԥқәа даара ирԥырхагоуп, ҵыԥх 12 ҭӡы аӡы рыҵалеит, аԥхасҭа ӷәӷәа рынаҭеит, ҳәа иҳәеит аиҿцәажәааҿы Ҳаџьымба.
"Аныҳәамшқәа рышьҭахь илеиз ақәа аӡышьҭрақәа ашәаҳаит, ҽазнык ақәа леизҭгьы, ауаа ирыҵалон. Аӡы цартә иҟоуп иахьа, иаҳрыцқьеит, аха ари апроблема комплекс ҳасабала иазнеитәуп. Ауаа аргыларақәа мҩаԥыргоит, аӡышьҭрақәа уахь инаргоит. Урҭ зегьы хылаԥшра раҳҭоит, аха иахьауа аӡы ацарҭа ирҭбаатәуп. Аусурақәа араион амч ақәхаӡом, иаҳҭахуп аҳәынҭқарра аҟынтә ацхыраара", - иҳәеит иара.
Маҷара ақыҭа ахада убри аан иазгәеиҭеит, ауаа ахдырра аадырԥшыр шахәҭоу аргыларақәа раан иҟоу аԥҟарақәа еилырымгарц.
Инеиҵыху аиҿцәажәара шәазыӡырҩыр шәылшоит аудиофаил аҿы.