АҞӘА, ажьырныҳәа 26 - Sputnik. Аԥсны атәылахьчара аминистр Владимир Ануа архәҭақәеи арҟәшақәеи арратәи амобилизациеи иахьынӡарызхиоу гәеиҭоит.
Аштаб хада аиҳабы Владимир Савченко инапхгарала ажьырныҳәа 25 рзы архәҭақәа ргәырҽанымкәа игәарҭеит архәҭақәа арратә дҵақәа апрактикаҿы иахьынӡарзыҟаҵоу.
Владимир Ануа изеиҭарҳәеит арбџьармчқәеи, арратә техникеи, аматериалтә еиқәыршәазаареи рҭагылазаашьа зеиԥшроу.
Атәылахьчара аминистр анапынҵақәа риҭеит архәҭақәа арратә зыҟаҵара шақәнагоу ирымазарц азы Арбџьармчқәа рыдҵаҟаҵаҩ хада иқәиргылаз адҵақәа инарықәыршәаны.