АҞӘА, жәабран 2 - Sputnik. Аналогтә телехәаԥшра аҿыхра мзызс иамоуп иажәыз ахархәагақәа, аҿыц маругақәа раахәараз алшара амамзаара. Абри атәы Sputnik иазеиҭеиҳәеит аимадареи, амассатә коммуникациақәеи, ацифратә ҿиареи рзы Аҳәынҭеилакы ахантәаҩы ихаҭыԥуаҩ Роланд Ратиа.
Арахь иаҵанакуеит афымцамч азы атарифқәа рышьҭыхрагьы. Есымза "Аԥсныеимадара" алашараз 200-200 нызқьмааҭ ашәалароуп. Арҭ рҩызцәа аԥарақәа аилахәыра иамаӡам.
"Иахьынӡалшоз амаругақәа рхархәара еиҵаҳхуан. Идырыз усын урҭ мышкымзар мышкы рхархәара залымшо ишыҟалоз, избанзар дара 1970-тәи ашықәсқәа рзоуп ианықәдыргылаз. Реиԥш зеиԥшу раахәара ауам, избанзар иахьазы урҭ ирҩызцәоу ҭрыжьуам", - ҳәа иҳәеит Ратиа.
Ари аҩыза аҭагылазаашьа уадаҩ азы ацхыраара ҟанаҵеит Аԥсуа телерадиоеилахәыра, уи ахархәарала каналқәак анарбоит.
"Урыстәылатәи аканалқәа рҟынтәи ауаа идҳарбоит "Россия-1". "Матч-ТВ", НТВ, "Первый канал" аҿаҳхыр акәхеит. Зны-зынла Аԥсуа телехәаԥшра аканал "Культура" ацынхәрас "Первый канал" ашьҭлоит. "Абаза-ТВ" акәзаргьы, егьырҭ аканалқәа рышьҭра иалагеит", - иҳәеит иара.
Ратиа иажәақәа рыла, урыстәылатәи аҟазацәа алархәны ацифратә телехәаԥшра апроект ҿыц аларҵәара ргәы иҭоуп. Уи азы "Аԥсныеимадара" рыҿцәажәеит Урыстәыла ацифратә ҿиара аминистрреи Роскомнадзори.