Адунеизегьтәи аԥсуа-абаза жәлар рконгресс аҿы иаԥҵоу Аҳәса рхеилак 2024 шықәсазтәи русура иалацәажәан ааигәа имҩаԥысыз аиԥылараҿы. Иарбан проектқәоу урҭ иазгәарҭаз, ишԥашьақәгылахо уи аусура сынтәа, абри атәы арадио Sputnik аефир аҿы еиҭалҳәеит ахеилак напхгара азызуа Екатерина Бебиаԥҳа.
Бебиаԥҳа лажәақәа рыла, аҳәса рхеилак афилиалқәа еиҿкаауп раионцыԥхьаӡа, лара еиқәылыԥхьаӡеит урҭ рхаҭарнакцәа. Аиԥылараҿы иалацәажәан ашколқәа рҿы аԥсуара аурок алагара азҵаара. Рҿаԥхьа хыдҵас иқәдыргылеит уи иазкны статиак-статиак аҩра, уи анаҩс аҵарауаа идырбаны ишьақәырӷәӷәахар, иааиуа ашықәса азы ашәҟәы аҭыжьра алыршахоит.
Иарбан усуроу еиҭа имҩаԥнагало Адунеизегьтәи аԥсуа-абаза жәлар рконгресс Аҳәса рхеилак шәазыӡырҩыр шәылшоит аудиофаил аҿы.
Инеиҵыху аиҿцәажәара шәазыӡырҩыр шәылшоит аудиофаил аҿы.