АҞӘА, жәабран 10 - Sputnik. Аԥснытәи аспортсмен Харитон Агрба техникатә нокаутла дииааит шәачатәи аспортсмен Ваге Сураханиан Екатеринбург имҩаԥысуаз абокс азы атурнир RCC Boxing Promotions аҿы.
Агрба аиԥылара зегьы аԥыжәара иман, илахь шшьазгьы, аиааира имгакәа даанымгылеит. Вагегьы илахь шьеит, ибла акит. Аабатәи араунд ашьҭахь аиндаҭлара хыркәшахеит Сураханиан мап ахьикыз иахҟьаны.
Харитон Агрба изы ари 13-тәи иааироуп RCC Boxing Promotions иаҵанакуа апрофессионалтә ринг аҿы. Иара абжьарабжатә капан аҿы дықәгылоит - 65 килограмм рҟынӡа.