Путин ицәажәараҿы Аԥсны инхо рзы иҿыцу акгьы рмаҳаӡеит, ари аинтервиу зызку Европеи Америкеи инхо рзоуп, ҳәа азгәеиҭеит арадиоефир аҿы Кобахьиа. Аурыс иажәа ахьыдмырҳауа аҭыԥқәа рҿы инеит ари анҵамҭа, уи ауп асҟак амч ду заиуз, ҳәа инаҵишьит иара. Ҩ-сааҭк ирылагӡаны Урыстәыла аҭоурых инаркны иахьа уажәраанӡатәи аамҭа аҟынӡа аҭагылазаашьа анализ ҟаҵан, ҳәа иҳәеит Аслан Кобахьиа.
Ауаажәларратә палата алахәыла Дауҭ Агрба игәаанагарала Такер Урыстәыла иаара абыржәи аамҭазы Америка имҩаԥысран иҟоу атәыла ахада иалхрақәа ирыдҳәалоуп ҳәа агәаанагара имоуп.
Инеиҵыху аиҿцәажәара шәазыӡырҩыр шәылшоит аудиофаил аҿы.