Роланд Гамгьиа аҳәыҳәқәа рааӡара инапы алакуижьҭеи 30 шықәса ҵуеит. Ари аамҭа иалагӡаны урҭ 30 хкы еидикылахьан, аха 500 цыра амца иалаблит шықәсқәак раԥхьа Маҷара иргыланы имаз раԥхьатәи аҳәыҳәҭраҟны. Гамгьиа иажәақәа рыла, иахьазы 7-8 хкы аҳәыҳәқәа имоуп, иҟоуп урҭ рыбжьара аԥсуа ҳәыҳә ахкгьы.
Ааигәа иара даҽа ҳәыҳәҭрак ааиртит Аҟәатәи алицеи-интернат адгьылҵакыраҟны. Ҩажәа ҭаацәа рҟынтәи ахәыҷқәа аҳәыҳәқәа рыҩныҟа ириҭеит урҭ рыжәла дырҿиарц иҳәеит Гамгьиа.
Аицәажәара шәаҳар шәылшоит аудиофаил аҟны хыхь.