АҞӘА, хәажәкыра 14 - Sputnik. Аԥснытәи аҳәынҭқарратә университети Пекинтәи аинформациа-консультативтә еилахәыра "Евразиеи" рнапы аҵарҩит аусеицуразы астратегиатә еиқәшаҳаҭра. Абри атәы аанацҳаит ААУ аинформациеи амедиакоммуникациеи рыҟәша.
ААУи "Евразиеи" ирыгәҭакуп аҭҵаарадырратә конференциақәа еицеиҿыркааларци еицымҩаԥыргаларци, Аԥсни Китаии рыжәларқәа аҵара аусхк аҟны русеицура иацхрааларц, арҵаҩцәа, аспирантцәа, амагистрантцәа, астудентцәа аҭҵаарадырратә форумқәеи асеминарқәеи рзы еимырдаларц.