АҞӘА, хәажәкыра 27 – Sputnik. Урыстәыла 86 регион рҟынтәи 24-нызқьҩык инареиҳаны ашьа арҭеит "Крокус" иҟалаз атеракт аан ааха зауыз рзы. Абри атәы лҳәеит Афедералтә медик-биологиатә маҵзура анапхгаҩы Вероника Скворцова.
Скворцова иазгәалҭеит арыцҳара шыҟалаҵәҟьаз зықьҩыла Москвеи Подмосковиеи руааԥсыра ахҭыс рыҽшақәҿырҭыз.
Амаҵзураҿы иазгәарҭеит хымш рыҩныҵҟа Урыстәыла Афедералтә медик-биологиатә маҵзуреи Москвеи Москватәи аобласти рҿы ашьадкыларҭатә усбарҭақәа ишрыдыркылаз 10 000-ҩык рҟынӡа ауаа, уи ишалныршаз 4 000 литра ашьеи 279 литра аплазмеи реиқәыршәара.