Сынтәа ареспубликатә амаҭәартә олимпиадаҟны ашколхәыҷқәа еиуеиԥшым амаҭәарқәа рҟны рхы ԥыршәарц иаҳа иманшәалоу алшара рзаԥҵоуп, ихәеит Қәҭелиа.
"Иаҳҳәап, ҵыԥх аԥсшьарамшқәа ирылагӡаны аолимпиада хҳаркәшозҭгьы, сынтәа аамҭа иацҵоуп. Уи ззынархоу - ашколхәыҷқәа еиуеиԥшым амаҭәарқәа рҟны рхы аадырԥшырц алшара рыҭара ауп. Егьырҭ ашықәсқәа рзы еицымҩаԥысуан аматематиказы, абызшәазы аолимпиада. Аҵаҩы иаарласны абызшәаҟны ихы аарԥшны, дыҩны аматематика иҽахьигӡар акәын", – иҳәеит Қәҭелиа.
Аицәажәара инеиҵыхны ишәаҳар шәылшоит аудиофаил аҟны хыхь.
Сынтәа 800-ҩык инареиҳаны ашколхәыҷқәа алахәуп амаҭәартә ареспубликатә олимпиада.