АҞӘА, мшаԥы 1 - Sputnik. Аԥсны аԥхынразы урыстәылаа заанаҵы иҿарҵаз апутиовкақәа рыла аҳәаанырцәтәылақәа рыбжьара аҩбатәи аҭыԥ ааннакылеит. Абри атәы РИА Новости иазеиҭарҳәеит амаҵзура Travelata аҟны.
Ареитинг аҿы уи Мысра (Египет), Еиду Арабтә емиратқәа, Таиланд ираԥнагеит.
Актәи аҭыԥ ааннакылеит Ҭырқәтәыла. Ари ахырхарҭа еиҳа зыхә цәгьоу рахь иаҵанакуеит. Абжьаратә чек иартәоит 275 000 мааҭ. Ииасыз ашықәс азы 222 000 мааҭ ыҟан. Аԥсынгьы аԥсшьара еиҳа ахә иазҳаит. Абжьаратә чек 101-138 нызқь мааҭ рҟынӡа ихалеит.