АҞӘА, мшаԥы 2 - Sputnik. Урыстәыла "Крокус" аҿы атеракт адҵаҟаҵаҩцәа рхаҿы игылоу рҟынӡа инаӡоит ҳәа иҳәеит Владимир Путин Урыстәыла АдәАР аколлегиа аилатәараҿы.
"Урыстәыла иаҿагыланы абџьар зхы иазырхәо ирдыруазароуп ари аус ҩ-ҿык шамоу", - иҳәеит иара.
Путин иажәақәа рыла, аԥараз ацәгьа зуа ауаа адин аума, аполитика аума напхгаганы ишрымам, ус анакәха дара рзы адыррақәа роура мариоуп.
"Атеррористтә еилазаараҿы узықәгәыӷша агентура ыҟаӡам. Уа зегьы аԥароуп зыхә ршьо. Ихадоу афинансқәа роуп. Зегь марианы аҭиреи аахәареи ауеит – иарбанызаалак аинформациа аахәара алшоит. Ҳәарада, атеракт адҵаҟаҵаҩцәа рҟынӡа ҳнаӡоит ҳәа" - иҳәеит иара.
Путин иазгәеиҭеит атеррористцәеи аҿаҵаҩцәеи ауаажәларра еиладыргьыжьыр рҭахын, Урыстәыла еиҟәыршар рҭахын, ари ҟалашьа змам усуп ҳәа.