Гәыԥҩык Аԥснытәи аҳәынҭқарратә университет аҭоурыхтә факультет астудентцәеи амагистрантцәеи "Владислав Арӡынба иҭҵаамҭақәа рышьҭала" ҳәа хыс измоу аҭҵаара-практика амҩаԥгаразы Ҭырқәтәыла рыҟазаара хыркәшоуп. Аекспедициа апрограмма беиан аусмҩаԥгатәқәа рыла, иҟан акультуратә обиектқәеи, аҭоурых-культуратә баҟақәеи, аҭыԥԥшӡарақәеи рҭаара, аԥсуа диаспора ахаҭарнакцәа рԥылара уҳәа еиуеиԥшым аусмҩаԥгатәқәа. Урҭ амшқәа шымҩаԥысыз арадио Sputnik аҿы иазааҭгылеит аҭоурыхтә факультет амагистрантцәа, агәыԥ алахәылацәа Лана Агрԥҳаи Дамеи Оҭырбеи.