Гәыҧҩык Аҧснытәи аҳәынҭқарратә университет аҭоурыхтә факультет астудентцәеи амагистрантцәеи "Владислав Арӡынба иҭҵаамҭақәа рышьҭала" ҳәа хыс измоу аҭҵаара-практика амҩаҧгаразы Ҭырқәтәыла рыҟазаара хыркәшоуп.
Аекспедициа апрограмма беиан аусмҩаԥгатәқәа рыла, иҟан акультуратә обиектқәеи, аҭоурых-культуратә баҟақәеи, аҭыҧҧшӡарақәеи рҭаара, аҧсуа диаспора ахаҭарнакцәа рҧылара уҳәа еиуеиҧшым аусмҩаҧгатәқәа. Еиҳа инарҭбааны рныҟәарақәа ртәы арадио Sputnik астудиаҿы еиҭарҳәеит, аҭоурыхтә факультет амагистрантцәа Лана Агрҧҳаи Дамеи Оҭырбеи.
Арадиостудиа асасцәа еиҭарҳәеит апроект "Владислав Арӡынба иҭҵаамҭақәа рышьҭала" шииаз, насгьы аспонсорцәа рыԥшаара шрылдыршаз, Ҭырқәтәылаҟа ацаразы ацхыраара рызҭаз, иара убас уа рыҟазаара аамҭа иалагӡаны аиҿкааратә усқәа рҿы ирыдгылаз ҳџьынџьуаа.
Инеиҵыху аиҿцәажәара шәазыӡырҩыр шәылшоит аудиофаил аҿы.