АҞӘА, мшаԥы 14 - Sputnik. Аслан Бжьаниа Приднестровье аиҳабы Вадим Красносельски иирамш идиныҳәалеит ҳәа аанацҳауеит ахада ипресс-маҵзура.
Аԥсны ахада иазгәеиҭеит Красносельски инапхгарала ПМР қәҿиарала аҿиара ишаҿу идемократиатәу, ихьыԥшым ҳәынҭқарраны.
"Агәра ганы сыҟоуп ҳажәларқәа аԥхьаҟагьы ишеизааигәахо, реиҩызареи русеицуреи шыӷәӷәахо", — ҳәа ануп адныҳәалараҿы.
Бжьаниа Красносельски изеиӷьеишьеит агәабзиара, аҳәынҭқарратә ус аҟны ақәҿиарақәа, Приднестровие ажәлар ракәзар - аизҳазыӷьареи ашәҭыкакаҷреи.