АҞӘА, мшаԥы 22 - Sputnik. II Аԥснытәи амедицинатә форум аатит Аҟәа. "Ари ахҭыс, академикцәа, аҳақьымцәа, амедицинатә ҭҵаарадыррақәа ркандидатцәа еизызгаз, аҵак ду амоуп амедицина аҿиаразы", – ҳәа азгәеиҭеит Аԥсны ахада Аслан Бжьаниа асасцәа аԥсшәа раҳәо.
Иара инаҵшьны иазгәеиҭеит, ауснагӡатә ауааԥсыра зхаҭабзиара ҳараку амедицинатә цхыраара рзеиҿкааразы еиднакылар шакәу агәабзиарахьчаратә усбарҭақәа рхаҭарнакцәа зегьы.
Афорум мҩаԥысуеит Аҟәа мшаԥы 22-23 рзы. Аԥснытәи амедусзуҩцәеи аҵарауааи инарываргыланы иара иалахәуп урыстәылатәи аҟазауаагьы.