Ҵыԥх имҩаԥысуаз афорум алахәылацәа сынтәагьы арҭ аиԥыларақәа хра рыланы ишахәаԥшуа. Аԥснынтә Урыстәылаҟа инеиуа ачымазаҩцәа анрыдыркыло ирбоит, иҟарҵаз абжьгарақәа аԥсуа ҳақьымцәа ишрықәныҟәо ҳәа азгәалҭеит арадиоефир аҿы Арҷелиаԥҳа.
Аҳақьым дазааҭгылеит афорум аҿы илымаз ажәахә зызкыз, насгьы ашьамаҷра ачымазара иацу ашәарҭара атәы.
"Аԥсуа ҳақьымцәа иаҳҭахуп ажәытәан еиԥш ауаҩы ишықәснҵыра дуузарц, уи азы ажәлар ргәабзиара ахьчара акырӡа аҵанакуеит. Афорум иабзоураны иаауа аҳақьымцәеи ҳареи ҳԥышәа еимаҳдоит. Аурыс ҵарауаа аԥсуа ҿар ирызҿлымҳауп. Урҭ ражәахәқәа ахәшьара бзиа арҭеит. Аҭҵаарадырра рҽадырҳәаларц рҭахызар, адгылара шроуа атәы рҳәеит", - ҳәа еиҭалҳәеит Арҷелиаԥҳа.
Инеиҵыху аиҿцәажәара шәазыӡырҩыр шәылшоит аудиофаил аҿы.