Сынтәа аҳаԥы аҭалаҩцәа рхыԥхьаӡара иаҳа имаҷуп, актәи аквартал анаҳаркуаз 21 500-ҩык ауаа ҭалахьан аҳаԥы ашықәс алагамҭаз, ҳәа азгәеиҭеит Чалмаз.
"Аусуразы ԥынгыла ҳамаӡам. Есыҽны аус ҳаулоит аныҳәақәа нҵәаанӡа. Аиҭашьақәыргыларатә усрақәа аҳаԥаҿы имҩаԥысуа зегьы ҳара ҳхарџь ала ҳаҿуп. Ицо аргыларатә усурақәа аԥханынӡа инаҳаӷӡар ҳҭахуп. Аихамҩа аԥсахразы аҽеизгара ҳаҿуп. Аихамҩа иажәит. Ҳамчала имҩаԥаҳго аремонтқәа азхаӡом. Ҳаԥхьаҟа асезон анҵәамҭазы ҳамчқәа зегьы ааизганы ҳалагароуп аихамҩа аремонт аҟаҵара. Уи аура 1400 метра иҟоуп. Ари аус аҿы ацхыраара ҳҭахуп аҳәынҭқарра аҟынтә", - ҳәа иҳәеит Чалмаз.
Афонҿыцтәи аҳаԥы аиҳабы иҳәеит, ахә ацҵара шазгәаҭам.
Инеиҵыху аиҿцәажәара шәазыӡырҩыр шәылшоит аудиофаил аҿы.