АҞӘА, лаҵара 10 - Sputnik. Баграт Шьынқәба ироман иалху аспектакль "Ацынҵәарах" аԥхьарбара мҩаԥысуеит Сҭампыл рашәарамза 7 рзы ҳәа Sputnik иазеиҭалҳәеит арежиссиор Мадина Аргәынԥҳа.
Лара иазгәалҭеит акәашаратә номерқәа шынарыгӡо ансамбльқәа "Ахақәиҭра", "Нарҭ" рыкәашацәа. Аспектакль ахореограф — Ерик Ҭырқьба, амузыка автор — Ҭемыр Агрба.
Аспектакль ҭырқәшәала иддырбоит Ҭырқәтәыла аԥсуа диаспора аиланхарҭақәа рҿы. Ақәыргыламҭа Аԥсныҟа иааргоит ҭагалан, усҟан иара аԥсышәала иддырбоит.