Афонҿыцтәи аҳаԥы аартҩы, асахьаҭыхҩы, аскульптор, Леон иорден занашьоу Гиви Смыр игәалашәара инамаданы лацара 9 инаркны 12-нӡа Афон имҩаԥысуеит Гиви Смыр иусумҭақәа рцәыргақәҵеи жәлар рҟазара афестивали. Аусмҩаԥгатәқәа реиҿкаашьа, насгьы Гиви Смыр ихаҭара атәы арадио Sputnik аефир аҿы еиҭеиҳәеит Афонҿыцтәи аҳаԥы аиҳабы, ацәыргақәҵеи афестивали реиҿкааҩцәа ируаӡәку Мирон Чалмаз.
Аицәажәара инеиҵыхны ишәаҳар шәылшоит аудиофаил аҟны.