Аԥсны

"Зегь алоуп", "ихарҭәаау апансион" ахьыҟоу Аԥсны асасааирҭақәа рахь атурқәа ҩынтә еиҳахеит

Sputnik
АҞӘА, лаҵара 10 - Sputnik. "Зегь алоуп" иара убас "ихарҭәаау апансион" ахьыҟоу Аԥсны асасааирҭақәа рахь атурқәа зҭаху рхыԥхьаӡара сынтәа ҩынтә еиҳахеит ҵыԥх аасҭа ҳәа аанацҳауеит АТОР.
Атуроператорцәа иҟарҵо адыррақәа рыла, ареспубликаҿы иҟоуп "зегь алоуп" ҳәа иҟоу асасааирҭақәа 10, ихарҭәаау арацион змоу — 40-45. Обиектқәак ԥхынгәы-нанҳәазы 70-80% рыла заа идырҭәхьеит. Аекспертцәа рыцхәқәак рзы адефицит ҟалоит рҳәоит.
Зыхә мариоу асасааирҭаҿы аԥсшьара "ихарҭәаау апансион" ҳәа акрыфара аманы ҩыџьа рзы 29 - 55 нызқь артәоит, "зегь алоуп" акәзар — 54 нызқь мааҭ инареиҳаны.
Ибжьаратәу асасааирҭақәа рҿы аԥсшьара "ихарҭәаау апансион" ҳәа акрыфара аманы — 45 - 100 нызқь мааҭ, "зегь алоуп" — 62 нызқь.
Иҳараку аҩаӡара змоу "ихарҭәаау апансиони" "зегь алоуп" ҳәа акрыфареи 90 нызқь мааҭ инареиҳаны иагоит.