АҞӘА, лаҵара 17 - Sputnik. Аԥсны ахада Аслан Бжьаниеи аҵара аминистр Инал Габлиеи ашколхәыҷқәа рыбжьара аматематикеи афизикеи рзы ареспубликатә олимпиада иаиааизи аԥхьахәқәа згази адипломқәа ранаршьеит.
"Ҳҳәынҭқарра аполитика азырхоуп аҭҵаарадырреи ашколқәеи реизырҳара", – ҳәа иҳәеит атәыла ахада аҭҵаарадырра-практикатә конференциа "Аԥеиԥш" аҟны дықәгыло.
Аолимпиада алҵшәақәа:
Афизика азы аолимпиада иаиааиз – аҟәатәи 4-тәи ашкол 11-тәи акласс аҵаҩы Баграт Аҩӡба.
Аԥхьахәқәа згаз аҩбатәи ашкол 9-тәи акласс аҵаҩцәа Арсен Агрбеи, Сариа Демирџь-иԥеи, 10-тәи ашкол 10-тәи акласс аҵаҩы Анна Аҩӡԥҳаи аграмотақәа ранаршьеит.
Аматематиказы аолимпиадаҟны иаиааиз адипломқәа ранашьан 15-тәи ашкол 9-тәи акласс аҵаҩцәа Панаиот Тевренчиди Иван Калинини, 11-тәи акласс аҵаҩы Емилиа Авоиани.
Аԥхьахә ҭыԥқәа аанызкылаз 4-тәи ашкол ажәбатәи акласс аҵаҩцәа Алхан Ҳаџьымбеи Дариа Козловеи аграмотақәа ранашьан.