Аԥсуа культура афестиваль мҩаԥысит Гәыбаадәы, ақыҭа Естосадок аҟны. Афестиваль еиҿкаан акультура-рккаратә проект "Аԥснытәи аԥшаҳәа" аҳәаақәа ирҭагӡаны. Аҭааҩцәа ирыдгалаз апрограммеи, иалахәызи, афестиваль ихадоу аҵаки ртәы арадио Sputnik аефир аҟны еиҭалҳәеит аусмҩаԥгатә аҳәаақәҵаҩ Шьарида Ҭыжәԥҳа.
Апроект аԥсуа культура аӡыргаразы еиҿкаауп ҳәа азгәалҭеит аиҿцәажәараҿы Ҭыжәԥҳа. Уи аҳәаақәа ирҭагӡаны еиуеиԥшым акультуратә программақәа рыманы аиҿкааҩцәа аҳәаа анҭыҵ ицоит, арахьгьы иааргоит.
"Усҟак ацхыраарагьы ҳамаӡам, аха излаҳалшо ала ҩышықәса рыҩнуҵҟала еиҿкаан ахҭыс бзиақәа. Уи рхы аладырхәуеит еиуеиԥшым аколлетивқәа. Аурыс театр ҩышықәсоуп Гәыбаадәы иқәгылоижьҭеи. Уа инхо ауаа рзы Аԥсны даҽакала иаатит. Раԥхьаӡа акәны ҵыԥх Аԥсны акультура анырба даара иџьаршьеит. Арахь аара иалагеит аспектальқәа рыхәаԥшразы", - ҳәа еиҭалҳәеит Ҭыжәԥҳа.
Аицәажәара инеиҵыхны ишәаҳар шәылшоит аудиофаил аҟны.