Лаҵарамза 22 рзы Аԥсны ашколқәа рҟны аҵарашықәс хыркәшахоит, азеиԥшҵараусҳәарҭақәа рҟны игоит аҵыхәтәантәи аҵәҵәабжьы, ҳәа адырра ҟаиҵеит Қәҭелиа.
"Жәаҳәарада, ари есышықәса ргәы хыҭхыҭуа иззыԥшу хҭысуп. Сынтәа арыцхә маҷк еиҭагын, Аԥсны аминистрцәа реилазаара ақәҵарала амзар аҟны иалагалаз аԥсахрақәа ирыхҟьаны", - иҳәеит Қәҭелиа.
Аушьҭымҭацәа рхыԥхьаӡара 1900 рҟынӡа инаӡоит. Зҵара бзианы ихзыркәшо, амедалқәа риуразы акандидатцәа рхыԥхьаӡара 12 ҩык ыҟоуп. Урҭ рахьынтә хҩык араӡын медал, жәҩык –ахьтәы медалқәа риуразы рхы ԥыршәараны иҟоуп, иҳәеит Қәҭелиа. Аԥышәарақәа ашколқәа рҟны аушьҭымҭацәа рзы имҩаԥысраны иҟоуп лаҵарамза 30 инаркны рашәарамза 20-нӡа.
Аицәажәара инеиҵыхны ишәаҳар шәылшоит аудиофаил аҟны хыхь.